നെയ്യാറ്റിൻകര നഗരത്തിന്റെ ഏക തീവണ്ടി നിലയമാണ് നെയ്യാറ്റിൻകര തീവണ്ടി നിലയം. നെയ്യാറ്റിൻകര ബസ്സ് സ്റ്റാന്റിൽനിന്നും 1.7 കിലോമീറ്റർ ദൂരെയാണ് തീവണ്ടി നിലയം. തലസ്ഥാന നഗരമായ തിരുവനന്തപുരത്തിന്റെ തെക്കൻ കവാടമായി ഈ സ്റ്റേഷൻ പ്രവർത്തിക്കുന്നു. തിരുവനന്തപുരം നോർത്തിന് ശേഷമുള്ള ഏറ്റവും തിരക്കേറിയ നാലാമത്തെ റെയിൽ‌വേ സ്റ്റേഷനും ജില്ലയിലെ ഏറ്റവും കൂടുതൽ വരുമാനം ഉണ്ടാക്കുന്ന ആറാമത്തെ റെയിൽ‌വേ സ്റ്റേഷനും ആണ്. തെക്കൻ റെയിൽ‌വേയുടെ തിരുവനന്തപുരം ഡിവിഷൻ നിയന്ത്രിക്കുന്നു. 2018-19 സാമ്പത്തിക വർഷത്തിൽ 1.7 ദശലക്ഷം യാത്രക്കാരിൽ നിന്ന് 2.32 കോടി രൂപ ലാഭം നേടി.